සිරිසොබා

සොබාදහමේ අසිරිය හැබැහින්ම දැකල ආශ්වාදනය කරන්න අවස්ථාවක් ලැබෙන්නෙ කොයිතරම් කලාතුරකින් ද? එසේ දැක ගැනීමේ හැකියව ලබාදීමට ගත් වෑයමකි මෙය

Friday, April 10, 2009

බෝපත් ඇල්ල..


ශ‍්‍රී ලංකාව ලොව අන් රටවල් හා සසඳ්‍ර බලන විට එතරම් සුවිසල් රටක් නොවේ. ප‍්‍රමාණයෙන් කුඩා වුව ද සුන්දරත්වයෙන් ශ‍්‍රී ලංකාවට හිමිවන්නේ අද්විතීය ස්ථානයකි.
මන බදිනා ආකර්ශනීය දසුන් දැක බලා ගැනීමට ලොව බොහෝ රටවල සංචාරකයන් සිරිලකට පැමිණෙන්නේ සොබා සුන්දරත්වය අත්විඳ මොහොතක් හෝ සතුටින් ගත කිරීමටයි. සුන්දරත්වය ගැන කතා කිරීමේ දී කතා කළ යුතු, කතා කළ හැකි කරුණු කාරණා බොහෝය.
පාරිසරික සුන්දරත්වය අතින් සබරගමුව පළාතට ද හිමි වන්නේ් සුවිශේෂී ස්ථානයකි. එයිනුත් අපට වඩා වැදගත් වන්නේ රත්නපුර දිස්ති‍්‍රක්කයයි. රත්නපුර දිස්ති‍්‍රක්කය තුළ සුන්දරත්වය අත්විඳිය හැකි මනස්කාන්ත පරිසරයන් බොහෝය.
බෝපත් ඇල්ල, දූවිලි ඇල්ල වැනි දිය ඇලි නෙත් සිත් පිනවන අතර බුදුහිමිගේ සිරිපා සටහන පිහිටි සමනොළ ගිර සැම දෙනාගේ ම ගෞරවයට පාත‍්‍ර වන වන්දනා මාන කරන පුජනීය ස්ථානයක් වන්නේ ය.
සිරිපා පහස විදිනා රත්නපුරට සමන් දෙවිදුන්ගේ රැකවරණය නිබඳව ලැබේ. එබැවින් සුන්දරත්වය නිසාවෙන් පමණක් නොව පූජනීය වශයෙන් ද මේ ප‍්‍රදේශයට වැදගත් තැනක් හිමිවේ.
එයම සංචාරක ආකර්ෂණය තවදුරටත් වඩවන කරුණක් ව ඇත. මැණික්වලට ඉමහත් ප‍්‍රසිද්ධියක් උසුලන රත්නපුරයට අද වන විට බොහෝ දෙස් විදෙස් සංචාරකයන් නිතිපතා පැමිණෙන්නේ වාණිජ කටයුතු සඳහා ය. රත්නපුරය මෙරට මැණික් අළෙවියේ කේන්ද්‍රස්ථානයයි.
කුරුලු ගහනය වැඩි වශයෙන් ජීවත් වන ස්ථාන ද රත්නපුරයේ පිහිටා ඇත. සිංහරාජය සහ උඩවලව වන භූමි මේ ජෛව විවිධත්වය රත්නපුර ප‍්‍රදේශයට ලබාදීමට එක්තරා ආකාරයකින් හේතු සාධක වී තිබේ.
තැනිතලා බිම් මෙන් ම කඳුකර බිම් ද එක ලෙස දැක ගත හැකි රත්නපුර දිස්ති‍්‍රක්කය තුළ ලොකු කුඩා දිය ඇලි 90 කට වැඩි ප‍්‍රමාණයක් දක්නට හැකිය.
එයින් ප‍්‍රධානම දිය ඇල්ලක් වන්නේ බෝපත් ඇල්ලයි. ඇල්ලෙන් ඇඳ හැලෙන කිරි සුදු දිය දහර පෙන බුබුළු නංවමින් ගල් තලා අතරින් ලතාවට ගලා යන අයුරු දකින සංචාරකයන්ගේ නෙත්, සිත් අමන්දානන්දයෙන් පිරී යයි

Tuesday, April 7, 2009

බාදුරා.......

නැපෙන්තස් ඩිස්ටිලාටෝරියා ලෙස හදුන්වන බාදුරා ශාකය ලොව මුලින්ම හදුනාගත් මාංශභක්ශක ශාකයයි. සතුන් ආහාරයට ගන්නා මෙ ශාකය ලංකාවට ආවේනිකය. වැලක් ‍ලෙස වර්ධනය වේ. සතුන් ගොදුරුකර ගැනීම සදහා කෙණ්ඩ්යක ආකාර විහේෂ වර්ධනයක් මෙම ශාකයේ දක්නට ලැබේ.

වළවේ ගං දෑලේ....දී

අතීතයේ විජය රජතුමා ලංකාවට ගොඩබැස්ස ස්ථානය ලෙසත්, අතීත ලංකාවේ පරවෙ ධානතම වෙළෙඳ වරායක් ලෙසත් සැලකෙන හම්බන්තොටට නුදුරු ගොඩවාය වළවේ ගංගාව මුහුදට වැටෙන ස්ථානයයි. තඹවන් වැල්ලකට උරුමකම් කියන ගොඩවායේ මුහුදු තීරයේ සුන්දරත්වය තවත් වැඩිවෙන්නෙ ලා දුඹුරු වර්ණයෙන් සුසැදි අලංකාර ගල්තලාව නිසයි.
සැඳෑ අඳුර ලොව වෙලාගන්නට පෙර කඩිනමින් වළවේ ගංදෑලේ කිරල කැලේ කඩොල් පඳුරු අතරේ සිය කැදැලි කරා ඇදෙන දහස් සංඛ්යාවත සියොත් කැල සියැසින් දැකගන්නට ඇත්නම්, කුරුලු කූජන අහන්නත්, සියොතුන්ගේ හැසිරීම් නිරීක්ෂණය කරන්නත් එවන් නිසංසල ස්ථානයක් තරම් සුදුසු තවත් පෙදෙසක් නැති තරම්.
ගංදෑලේ වැඩුණු උස් ගස් වසා පැතිරුණු ලතා මඩුලු අතර ලෙළ දෙන නිල් මැණිකෙන් සුසැදි තොරණ මෙන් පිල් විදාගත් මොනරුන්! කුරුල්ලන් නිදහස් සුවයේ කල් මරති.
නිසලව ගමන් ගන්නා යාත්‍රාවන්ට ඉහළින් හිස් මුදුන්හි ගෑවී නොගෑවී හදිසියේ පියඹා යන කුරුමිනි කුරුලු රෑනක් තමන් ගේ අඩවියට වන් අමුතු සතුන් කවරේදැයි බියෙන් මෙන් ආපසු හැරී පියඹා යන්නේ මං මුළාවූවන් සෙයින්. කිරළ ගාලේ කඩොල් කැලේ වසා පැතිරගත් කලපු කිරළුන් මෙන්ම සුදුවන් කොකුන් සමූහය සැඳෑ අඳුර දුරු කරන්නට එළුෑ සුදුවන් ඇතිරිල්ලක් වගෙයි.
ඒ අතර අප කෙදිනකවත් නොදුටු විරූ කළු කෑඳැත්තන්, කොරොව් කෑඳැත්තන්, අළු කොකුන්, කොරොව් කුරුල්ලන්, පෙන්ද දිග කෑඳැත්තන් කෑරලුන්, වඩුකුරුල්ලන්, ගිරවුන් පිළිහුඩුවන් මෙන්ම බ්‍රාහ්මණ උකුස්සන්ද රෑන් රෑන් මෙවන් වන අරණක දී හැර අන් තැනෙක එකවර දකින්නට ලැබෙනවද?
රාත්‍රී කය මෝදු වන්නට වන්නට ගං දිය ද වඩාත් නිසල වන්නා සේය. අඳුරට පෙර සුපුරුදු නවාතැන් සොයා ඇදෙන සියොතුන් වෙසෙසින් කලබල වී ඇත්තේ අඳුරේදී ඔවුන් අඳ වන නිසාද? රාත්‍රියේදී සේවා මුරය අරඹනු රිසින් දිවා දවසේ ලැග සිටි තැන් හැර පියා තටු ගසා පියාහඹන කළුවන් වවුල් කැල පරයා ඔවුනොවුන් සියොළඟ හැපෙමින් රාත්‍රිය ගත කරන්නට එකී තිප්පොළ වෙතට ඇදී එන ශ්වේතවර්ණ කොක් රෑනට මොනරුන් ද සෙබඩුන් ද එක්වෙති.
හදිසියේ ගඟ දිය මත වසා පැතිරගත් ජපන් ජබර ගාලෙන් මතුවී සැණින් දිය යට සැඟව යන හැළ කිඹුලා ගේ සමීප රූපයක් ගැනීමට ඇත්නමි.